Докторын дараах судлаач (пост-доктор)-ийн тэтгэлэг зарлагдлаа

МУИС судалгааны их сургууль болох зорилгын хүрээнд МУИС-ийн профессоруудын судалгааны ажлыг дэмжих, авьяаслаг залуу эрдэмтдийг МУИС-д хийгдэж буй судалгааны ажилд оролцуулах зорилгоор “МУИС-д пост-доктор ажиллуулах” журмын нөхцөл шаардлагыг биелүүлсэн залуу эрдэмтдэд судалгааны тэтгэлгийг олгох тул сонгон шалгаруулалтад урьж байна. 

Дараах сэдвүүдийн хүрээнд докторын дараах судлаач (пост-доктор)-аар ажиллуулж, тэтгэлэг олгоно. Үүнд:

1. “Монгол орны байгалийн өөр өөр бүслүүрийн гадаргын усны тооллогыг зайнаас тандан судлалын аргаар тооцоолох боломж”
2. “Catalytic steam gasification of Mongolian brown coals”
3. “Малчдын амьдралын чанарт уур амьсгалын өөрчлөлтийн нөлөө”

Пост-докторын үргэлжлэх хугацаа: 6 сар

Тавигдах нийтлэг шаардлага:

• Докторын зэрэгтэй дотоодын болон гадаадын иргэн
• Докторын зэрэг хамгаалснаас хойш 5 жил болоогүй байх
• Эрүүл мэндийн үзлэгт тэнцсэн байх
• Пост-докторын ажлын даалгаврыг гүйцэтгэхэд шаардагдах мэдлэг, ур чадвар, туршлагатай байх
• Пост-доктороор ажиллуулах нөхцлийг хүлээн зөвшөөрсөн байх
• WoS болон Scopus-т бүртгэлтэй сэтгүүлд 1-ээс доошгүй өгүүлэл хэвлүүлсэн байх.

Бүрдүүлэх материал:

1. Өргөдөл;
2. Төрийн албан хаагчийн анкет;
3. Докторын дипломын хуулбар;
4. Бүтээлийн жагсаалт;
5. Судалгааны ажлын урьдчилсан төлөвлөгөө;
6. Судалгааны ажлын удирдагчийн пост-доктороор ажиллуулах боломжтой эсэх талаарх тодорхойлолт;
7. Ажил эрхэлж буй бол ажлын газрын тодорхойлолт (Тэтгэлэгт шалгарсан тохиолдолд ажлын газраас түр чөлөөлөх тухай тодорхойлолтыг дахин ирүүлнэ.)

Бүртгэлийн материал хүлээн авах хугацаа: 2022 оны 05 дугаар сарын 12-ны өдрийн 17.00 цаг хүртэл

Бүртгүүлэх: Энд дарж бүртгүүлнэ үү.

Холбоо барих: 

• Хаяг: МУИС-ийн хичээлийн 1-р байр , 219 тоот
• Утас: 77307730-4502
• И-мэйл хаяг: grad_research@num.edu.mn

Сонирхсон эрдэмтэд https://www.num.edu.mn/filesnum/juram/Пост-докторын журам.pdf  хаягаар дэлгэрэнгүй мэдээлэл авна уу.

Ахисан түвшний сургууль