ШИНЭ ҮЕИЙН ЗАЛУУ СУДЛААЧ сэдэвт эрдэм шинжилгээний хурал болно

Монгол улсын их сургууль (МУИС) үүсгэн байгуулагдсаны 80 жил, Ахисан түвшний сургалт эрхэлсний 30 жил, “NUM Science Festival 2022” арга хэмжээний хүрээнд МУИС-ийн судалгаа, эрдэм шинжилгээний ажил хийж буй суралцагчдыг шинжлэх ухааны тулгамдсан асуудлаар судалгааны үр дүнгээ илтгэх, залуу судлаачдыг дэмжих зорилгоор “ШИНЭ ҮЕИЙН ЗАЛУУ СУДЛААЧ” сэдэвт эрдэм шинжилгээний хурлыг Ахисан түвшний сургуулиас зохион байгуулах гэж байна.

Хурлын үе шат

Эрдэм шинжилгээний хурлыг дараах үе шаттайгаар зохион байгуулна.

• 2022 оны 4 дүгээр сарын 26-нд Салбар хуралдаан: Тэнхимийн эрдэм шинжилгээний хурлаас 1-р байранд шалгарсан ахисан түвшний суралцагчдын илтгэлүүдийг байгаль, нийгэм, хүмүүнлэг, инженерчлэлийн салбар тус бүрээр хэлэлцүүлэх ба Бүрэлдэхүүн сургуулиуд хамтран зохион байгуулна.
• 2022 оны 5 дугаар сарын 11-ний өдөр “Шинэ үеийн залуу судлаач” эрдэм шинжилгээний нэгдсэн хурлыг Ахисан түвшний сургууль зохион байгуулна. Салбар бүрээс шалгарсан ахисан түвшний суралцагчдын шилдэг 2 илтгэл, тэнхим бүрийн эрдэм шинжилгээний хурлаас шалгарсан бакалаврын түвшний суралцагчдын шилдэг 1 илтгэлийг ханын хэлбэрээр танилцуулна.

Дэлгэрэнгүй мэдээллийг доорх удирдамжаас хүлээн авна уу. 

Download (PDF, Unknown)

Салбар хуралдааны тов