Доктор Ө.Баярсайхан NUM-Speaker Series – МУИС-ийн залуу эрдэмтдийн индэр хөтөлбөрт лекц уншлаа

МУИС-ийн багш нар болон докторант оюутнуудад зориулан Төгсөлтийн дараах сургуулиас зохион байгуулдаг NUM-Speaker Series – МУИС-ийн залуу эрдэмтдийн индэр хөтөлбөрийн зочноор МУИС-ШУС-ийн БУС-ийн Биологийн тэнхимийн багш, доктор Ө.Баярсайхан оролцлоо.

Доктор Ө.Баярсайхан “Recent changes in NDVI and Plant Phenology by Land cover types in the North East Asia and linkage to Climate Change, (NDVI ба ургамлан нөмрөг фенологийн өөрчлөлт нь газрын гадаргын хэв шинжээс хамаарах, түүний уур амьсгалын өөрчлөлттэй холбогдох нь: Зүүн хойд Азийн жишээн дээр) сэдэвт өөрийн докторын ажил хамгаалсан сэдвийн дагуу лекц уншлаа.

Энэ өдрийн семинарт МУИС-ийн Бизнесийн сургууль, ОУХНУС, ХШУИС болон Байгалийн ухааны салбарын багш, оюутнууд идэвхтэй оролцож сонирхсон асуултаа тавин, хэрэгтэй мэдээллээ авч хамтран ажиллах санал тавилаа.

Доктор Ө.Баярсайхан багшийн илтгэлийг болон бусад цуврал лекцийг MUIS num – youtube хуудаснаас тун удахгүй бүрэн эхээр хүлээн авах боломжтой.